Eskom het gesê kragonderbrekings sal hierdie naweek voortduur, maar dit sal in laer stadiums wees. Eers het die kragvoorsiener gesê hy het geen ander keuse as om met fase vier voort te gaan nie.
Eskom-woordvoerder, Sikonathi Mantshantsha, het gesê ses opwekkingseenhede wat dringende herstelwerk benodig het tydens die onlangse staking, nou vir herstelwerk van lyn is.
“Sedert die laaste kommunikasie is sewe eenhede weer in diens geneem. Boonop is 600 megawatt-kapasiteit van Mosambiek in diens teruggesit, wat die opwekkingskapasiteit ‘n hupstoot gee.”
Hy het bygevoeg hulle sal verbruikers laat weet as die rooster skielik verander.
“Noodopwekkingsreserwes, wat wyd gebruik is om die stadium van beurtkrag die afgelope twee weke te beperk, is voldoende aangevul en sal steeds gebruik word om die stadium van beurtkrag te beperk,” het hy gesê.
Bronne: EWN, MSN, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Eskom: ‘Ons sal dienste onttrek in gebiede waar ons werknemers se veiligheid in gevaar gestel word’
