Die regering beplan om verskeie hervormings in te stel om werk te skep vir die land se miljoene werklose jongmense, sê president Cyril Ramaphosa.
Ramaphosa het in sy weeklikse ope brief aan die publiek geskryf Suid-Afrika se jongste indiensnemingsyfers gee rede tot optimisme, met 370 000 poste wat in die eerste kwartaal van vanjaar geskep is.
Hy het egter opgemerk dat die regering steeds ‘n “groot berg het om te klim” in sy strewe om meer werk, veral vir jong mense, te skep.
Volgens Stats SA staan die jeugwerkloosheid in Suid-Afrika op 66,5%.
Die Maatskaplike Indiensnemingsfonds sal 50 000 nuwe werksgeleenthede in die eerste fase skep en meer in die daaropvolgende fases, het die president gesê.
Hy het bygevoeg dat die herleefde Nasionale Jeugdiens ‘n verdere 50 000 werksgeleenthede sal skep vir werklose jongmense wat dienswerk regoor die land verrig, terwyl hulle broodnodige werkservaring verskaf en die waarde van aktiewe burgerskap versterk.
Bronne: BusinessTech, My Broadband
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Reserwebank beplan nie nuwe geld nie
