Somizi Mhlongo se meubels is verlede week deur die SAID in Johannesburg opgeveil.
Die Suid-Afrikaanse Inkomstediens (SAID) het ook die televisievervaardiger Legend Manqele, wat sy realiteitsprogram, Living the Dream with Somizi , vervaardig het, beveel om R1,5 miljoen van sy en eks-man Mohale se tantième in ‘n SAID-rekening te betaal en nie in hul prokureur se rekening nie, nadat hulle hom vroeër vandeesmaand opdrag gegee het om dit te doen.
Kgomotso Mphahlele, balju van Sandton-Noord, het in ‘n kennisgewing van verkoping in eksekusie gesê sy het Somizi se meubels op ‘n veiling gesit om die geld terug te kry wat hy verskuldig is vir die versuim om minstens R3,5 miljoen se belastingskuld wat hy sedert 2014 skuld, te betaal.
Die goedere is volgens die kennisgewing verkoop na aanleiding van ‘n uitspraak wat die SAID op 5 November 2015 in die Johannesburgse hooggeregshof verkry het.
“Ingevolge ‘n hooggeregshof-uitspraak op 5 November 2015 vir Somizi Mhlongo en ‘n lasbrief van eksekusie uitgereik teen roerende eiendom. Daarvolgens sal die roerende eiendom wat hieronder gelys word in eksekusie verkoop word op 18 Mei 2022 om 11:00 te Rhodeslaan 24 Kensington B, Randburg 2125 aan die hoogste bieër,” lui die kennisgewing.
Die items wat opgeveil is, sluit in “‘n Samsung-wasmasjien, ‘n wit beeldhouwerk (Guman Head), Le Creuset-bak, drie plastiekkroegstoele, twee rooi mensbeelde, ‘n Hisense-televisiestel met ‘n afstandbeheer, ‘n Smeg-skottelgoedwasser, twee kopergeverfde koffietafels, een Carrol Boyes-messtel met staander, ‘n Carrol Boyes-bak, vyf verskillende Le Creuset-potte, ‘n Gold Air-gasverwarmer, ‘n DeLonghi-olieverwarmer, ‘n Samsung-yskas, ‘n silwer kombuisbak, drie glasvase, agt kussings, ‘n slaapbank , ’n hout TV-staander met laaie, eetkamerstoele en ’n tafel-en-messtel met staander,” lui die kennisgewing.
Bronne: Sunday World, Briefly
Volg FiND iT hier.
Lees ook: ‘Ek wil Suid-Afrika verlaat’: ‘The Bachelor SA’-ster onthul voorneme om te verhuis
