In ‘n baanbrekeruitspraak het die konstitusionele hof ten gunste van alle Suid-Afrikaanse vuurwapeneienaars wat nie hul vuurwapenlisensies voor verstryking hernu het nie, beslis.
Die hof het vasgestel dat diegene wat nie hul vuurwapenlisensies betyds kon hernu nie en daarna verbied is om verder ‘n geldige lisensie te bekom, toegelaat word om die prosesse te volg, soos bepaal in die Wet op die Beheer van Vuurwapensom ‘n geldige vuurwapenlisensie vir sulke vuurwapens te bekom.
Die aansoek is vroeër geïnisieer deur Fidelity Security Services, wat hom tot die hooggeregshof in Gauteng, Pretoria, gewend het, omdat hy honderde van sy vuurwapenlisensies nie kon hernu nie, aangesien die lisensies verval het.
Die polisie het geweier om die vervalle lisensies te hernu, en die enigste opsie wat Fidelity destyds gehad het, was om hul vuurwapens te vernietig of om die kwessie in die hof te beveg.
Die hooggeregshof het die aansoek om die SAP om te weier om die lisensies te hernu, gehandhaaf. Die regter het destyds gesê die wet, wat bepaal het vuurwapeneienaars moet 90 dae tevore aansoek doen om ‘n nuwe lisensie, voor die oues verval het, moet gevolg word.
Fidelity het egter ‘n daaropvolgende oorwinning in die appèelhof behaal, wat bevind het dat die Wet op die Beheer van Vuurwapens voorsiening gemaak het vir ‘n persoon om ‘n vervalle vuurwapenlisensie te hernu.
Die minister van polisie het hierdie kwessie na die konstitusionele hof geneem, wat die bevinding van die appèlhof bevestig het.
Dit het bevestig dat die voorafgaande uitspraak deur die appèlhof oorgedra is deurdat ‘n vuurwapen, hetsy gelisensieer of nie, die eiendom van die eienaar is totdat dit vernietig is in terme van die onderskeie wetgewende bepalings.
Bronne: MSN, Polity
Volg FiND iT hier.
Lees ook: HPSCA vang vermeende vals dokters uit
