Amber Heard het weer op die laaste dag van die lasterverhoor op Donderdag 26 Mei getuig.
‘n Emosionele Heard het aan die hof in Virginia gesê dat sy verneder en geteister is deur die publiek en duisende doodsdreigemente ontvang het sedert die aanvang van die saak van $100 miljoen (R1,6 miljard).
Die Mirror berig dat ‘n emosionele Heard getuig het van die doodsdreigemente en vernedering wat sy op ‘n daaglikse basis moet verduur. Sy het gesê sy het ‘n reg om haar kant van die saak te stel en hoop om “haar stem terug te kry” na afloop van die saak.
Die 36-jarige aktrise het vertel van die talle dreigemente wat sy ontvang en hoe mense dreig om haar en haar eenjarige babadogtertjie leed aan te doen.
‘Ek ontvang gereeld honderde doodsdreigemente, indien nie daagliks nie. Duisende sedert hierdie verhoor begin het. Mense wil my doodmaak, en hulle sê dit vir my, elke dag. Mense wil my baba in ‘n mikrogolf druk, en hulle sê dit vir my, ”het sy gesê.
Bronne: MSN, TooFab
Volg FiND iT hier.
Lees ook: Akteur Kevin Spacey aangekla van seksuele aanranding
