Johnny Depp het sy destydse vrou Amber Heard aan die hare gegryp en haar sowat ‘n maand ná hul huwelik herhaaldelik in die gesig geslaan tydens ‘n hewige argument, het haar suster Woensdag gesê.
Heard het Depp ook met die vuis geslaan tydens die Maart 2015-geveg by hul dakwoonstel in Los Angeles, het Whitney Henriquez getuig tydens die hoëprofiel-lastersaak tussen die bekende egpaar.
Henriquez, Heard se 34-jarige jonger suster, het gesê die Pirates of the Caribbean-ster het probeer om haar ná die voorval ‘n nie-openbaarmakingsooreenkoms te laat onderteken, maar sy het geweier om dit te doen.
Henriquez het Woensdag namens haar suster getuig. Dag 18 van die verhoor word deur ‘n jurie van sewe mense in Virginia aangehoor.
Henriquez, wat ‘n tyd lank in dieselfde dakwoonstelkompleks as Depp en Heard gewoon het, het gesê die egpaar het ‘n wisselvallige verhouding gehad.
“Toe hy nugter was, was dinge wonderlik,” “Toe hy nie nugter was nie, was dit verskriklik,” het sy gese. “As hy dwelms gebruik het of as hy gedrink het, was daar amper altyd ‘n bakleiery,” het sy gesê.
Depp het die lasterklag in die Verenigde State ingedien nadat hy in November 2020 ‘n aparte lastersaak in Londen verloor het wat hy teen The Sun aanhangig gemaak het omdat hulle hom ‘n “vroueslaner” genoem het.
Regter Penney Azcarate het slotbetoë in die saak vir 27 Mei geskeduleer, waarna dit na die jurie sal gaan.
Bronne: The South African, CNN
Volg FiND iT hier.
Lees ook: Disney het glo $22,5 miljoen-transaksie met Johnny Depp gekanselleer
