Volgens sy agent sou Johnny Depp $22,5 miljoen betaal gewees het vir ‘n sesde Pirates of the Caribbean-fliek, maar die projek is deur Disney geskrap nadat Amber Heard die akteur van huishoudelike mishandeling beskuldig het.
Jack Whigham, Depp se agent, het gesê die artikel wat Heard vir die Washington Post geskryf het, was “katastrofies” vir Depp se toneelspelloopbaan.
“Na die artikel was dit onmoontlik om vir hom ‘n ateljeefilm te kry,” het Whigham aan die sewe-persoon-jurie wat die saak in die Fairfax County Circuit Court, aanhoor, gesê.
Whigham, wat sedert 2016 Depp se agent is, het gesê dat ‘n ooreenkoms met Disney bereik is vir die akteur om as kaptein Jack Sparrow te verskyn in ‘n sesde aflewering van die winsgewende Pirates-flieks.
“Ons het die transaksie op $22,5 miljoen gesluit,” het hy gesê. Maar Disney het besluit om in ‘n “ander rigting” te gaan na die publikasie van die artikel in Desember 2018 in die Post, het Whigham gesê.
“Ek het suksesvol met hulle kontak gemaak, maar ek was nie suksesvol om Pirates vir Johnny te red nie,” het hy gesê.
Bronne: ENCA, MSN
Volg FiND iT hier.
Lees ook: Johnny Depp word ondervra in saak teen eksvrou Amber Heard
