Menslike skeletoorblyfsels, gedeeltelik in rooi slaapklere geklee, is Dinsdag in ‘n veld ontdek.
Volgens Prem Balram, woordvoerder van Reaction Unit SA (RUSA), is reaksiebeamptes na die gebied gestuur nadat ‘n veewagter die ontdekking gemaak het.
“By hul aankoms het lede van die gemeenskap beamptes etlike honderde meter te voet deur digte plantegroei en af teen ‘n steil krans gelei waar die oorblyfsels geleë was.
“Die identiteit of geslag van die oorledene kon nie bevestig word nie weens die omvang van die ontbinding. Die geraamte was geklee in ‘n rooi pajamabroek,” het Balram gesê.
Hy het verder gesê weens die uiters moeilike terrein en donkerte is Dinsdagaand besluit die oorskot sal Woensdag met eerste lig opgelaai word.
Bronne; The World News, MSN
Volg FiND iT hier.
Lees ook: Man vermoor na bewering sy eks-meisie en haar seun
