Die Climate Justice Charter Movement het aanklagte van strafbare manslag teen president Cyril Ramaphosa en openbare verteenwoordigers geopen oor die mense wat verlede week tydens die KZN-vloede dood is.
Janet Solomon van Oceans Not Oil, Shaakira Davood van Youth Centre for Climate Change, Nora Seneka van The Active Citizens Movement en Desiree Laverne van Greenpeace het die saak van strafbare manslag op Donderdag 14 April om 11:00 by die Mayville-polisiestasie geopen.
Ander wat geïmpliseer word, is Gwede Mantashe, minister van energie en minerale bronne, Barbara Creecy, minister van visserye, bosbou en die omgewing; ondervoorsitter van die Presidensiële Klimaatkommissie (PCC) Mohammed Valli Moosa; Sihle Zikalala, premier van KwaZulu-Natal, en eThekwini-burgemeester, Mxolisi Kaunda.
Strafbare manslag is die onwettige en nalatige moord op ‘n ander mens.
Solomon het Ramaphosa se toespraak genoem waarin hy gesê het die vloede is ‘n duidelike effek van klimaatsverandering en sy het gesê dit is lankal tyd dat klimaatsverandering aangespreek moet word.
Solomon het gesê die regering het versuim om die klimaatkrisis ernstig op te neem en moet aanspreeklik gehou word vir hulle pligsversuim.
Bronne: Flipboard, Daily Maverick
Volg FiND iT hier.
Lees ook: Durban-vloede beïnvloed elektrisiteit, water, begrafnisse en gesondheidsorgdienste
