Verna Mulder, klein Mienke Mulder se ma, is met ‘n baie aggressiewe borskanker gediagnoseer.
Mienke se pa, Ryno Mulder, het die nuus op die Facebook-groep, Please Pray for Mienke, bekendgemaak.
Hy sê die pad vorentoe is vir hulle nog onduidelik, maar dat “chemo binnekort sal begin”.
“Hou vir Verna in julle gebede,” vra hy. “Want waar ons bid, is daar ‘miracles’.”
Mienke (3) se storie het destyds die land geruk na sy by ‘n dagmoeder aan melk verstik het en kwaai breinskade opgedoen het.
Mienke is in September 2020 oorlede.
