Drie mense is Sondag dood ná ‘n botsing reg van voor tussen twee vragmotors op die N1-hoofweg tussen Winburg en die Verkeerdevlei-tolhek naby Bloemfontein in die Vrystaat.
Die pad was teen Sondagmiddag steeds vir verkeer gesluit. Netwerk24 berig volgens Sipho Towa, kommunikasiebestuurder van die Vrystaatse nooddienste, het die ongeluk omstreeks half-vyf Sondagoggend plaasgevind.
Drie mense, onder wie twee vragmotorbestuurders en ‘n medebestuurder, is op die toneel dood verklaar. Towa het gesê teen half-vyf Sondagmiddag was owerhede steeds besig om die toneel op te ruim nadat diesel, wat een van die vragmotors vervoer het, uitgelek het.
Dié berig is deur Rosestad 100.6FM verskaf.
