Motoriste moet hulself staal teen skokkend hoë brandstofpryse, want ‘n styging van ten minste R2 per liter word vir April voorspel.
Suid-Afrikaners sal moontlik deur nog verdere petrolverhogings in die gesig gestaar word in die komende maande, namate oliepryse styg.
Die stygende oliepryse het Maandag 7 Maart 2022 ‘n skokgolf deur finansiële markte laat gaan, met Brent-ruolie-pryse wat tans die hoogste is sedert 2008, teen $129 ‘n vat.
Met só ‘n styging kan jy verwag om ten minste R2 per liter duurder vir brandstof in April 2022 te betaal.
“Die wêreldekonomie kan dit regkry om die Brent-ruolie-pryse rondom $120 per vat te weerstaan, maar as dit tot tussen $150 en $160 per vat styg, sal daar ‘n resessie wees. Beleggers sal hul scenario’s moet verander, sodat wêreldwye ekonomiese herstel kan plaasvind, en voortduur,” het Masayuki Kichikawa, hoofekonoom, aan Bloomberg gesê.
