Dis moontlik dat president Ramaphosa se volgende “familievergadering” die laaste een kan wees met die ramptoestand wat tot ‘n einde kom.
Die minister in die presidensie, Mondli Gungubele, het die naweek bevestig dat Ramaphosa die nasie nog ‘n slag gaan toespreek, maar hy het die besonderhede op ‘n taamlik kriptiese manier gedeel.
Volgens die top-ANC-amptenaar gaan die volgende Covid-19-“familievergadering” die laaste een wees, met geen verdere toesprake oor die pandemie wat beplan word nie.
Ramaphosa sal die toespraak gebruik om ook “oor iets anders te praat” – geen verdere besonderhede is verskaf nie.
Sommige baie ligte beperkings sal as “permanent” aangekondig word, wat deur die Nasionale Gesondheidswet gereguleer sal word.
Die ramptoestand verstryk amptelik op Dinsdag 15 Maart. Na alle waarskynlikheid sal ‘n “familievergadering” voor daardie datum plaasvind.
Ramaphosa het egter te kenne gegee, sonder om in besonderhede in te gaan, dat die inperking voor dan beëindig kan word.
Genoegsame kennis sal gegee moet word voordat so ‘n groot verandering ingestel word.
Dit beteken dat ‘n aankondiging voor volgende naweek kan kom, met instruksies oor die einddatum van inperking wat duidelik gekommunikeer moet word.
Bronne: The World News, MSN
Lees ook: Boks vol koppe van bakkie af gesteel
