Die vermeende parlementbrandstigter, Zandile Mafe, was veronderstel om Saterdag sy borgtogaansoek in die streekhof in Kaapstad te bring, maar dit is weer uitgestel.
Die woordvoerder van die nasionale vervolgingsgesag het gesê die beplande borgtogaansoek van Zandile Mafe is na Saterdag 29 Januarie geskuif nadat dit aan die lig gekom het dat hy Covid opgedoen het terwyl hy in Valkenberg was.
Mafe is Woensdag uit Valkenberg ontslaan nadat regter Hlophe die bevel wat hom soontoe gestuur het onwettig verklaar het.
Die staat het bygevoeg dat ‘n nuwe klagstaat Woensdag en Donderdag aan Mafe se verdediging oorhandig is.
Die klagstaat is aangepas nadat adv. Mervyn Menigo – die hoofaanklaer in die saak – weer die dossier bestudeer en met die ondersoekbeampte beraadslaag het.
Menigo het gevoel dat die aanklagte “verander moes word” en Mafe staan nou beskuldig van huisbraak met die opset om terrorisme en brandstigting, brandstigting, terrorisme en diefstal te pleeg.
Bronne: OFM, MSN
Lees ook: Meat Loaf sterf op 74
Volg FiND iT hier.
