Die Universiteit Stellenbosch (Maties) oorweeg verpligte inentings vir studente en personeel wat voor die 2022- akademiese jaar geïmplementeer kan word.
Rektor en vise-kanselier professor Wim de Villiers het Maandag in ‘n verklaring bevestig dat die US die moontlikheid van verpligte inentings ondersoek, en leer uit die ervaring van ander instansies.
Hy sê die verpligte inenting word oorweeg omdat ‘n risikobeplaling bevind het dat die oordrag van die virus ‘n hoë risiko is vir die US.
Luidens die verklaring sal die reël ook vereis dat bepaalde ander persone hul bewys van inenting moet lewer voor hulle op die kampus en US-lokale toegelaat sal word.
“Entstowwe is veilig, en dit red lewens. Ons boodskap is dat om ingeënt te word die verantwoordelike ding is om te doen. So, ons het almal versoek om die entstof te kry.
“Terwyl die besluit oor inentings nog bespreek word, het die Maties-raad verklaar: “Die US Raad gee bestuur mandaat om te werk aan die dringende ontwikkeling van ‘n reël oor inenting vir studente en personeel vir die 2022- akademiese jaar. Personeel en studente word verseker dat behoorlike prosedures gevolg sal word in terme van konsultasie en risikobestuur, sê De Villiers.
Geen finale besluit is geneem nie, maar die Maties-raad hoop om so gou moontlik ‘n besluit te neem.
Die Universiteit van die Witwatersrand en Wes-Kaapland het ook gesê dat hulle verpligte inentings oorweeg.
Die Universiteit van die Vrystaat het gesê dat hulle niemand sal verplig om die inenting te kry nie, maar niemand sal op die kampusterrein toegelaat word indien hulle nie ingeënt is of minder as ‘n week vantevore negatief getoets het nie.
Volg FiND iT hier op Facebook.
