Is ‘n drankverbod in die pyplyn vir Suid-Afrika? Met Kersfees en Nuwejaar om die draai en die voorspelling van ’n vierde Covid-19-vlaag, doen Suid-Afrikaanse drankhandelaars ’n beroep op die regering om nie weer ’n drankverbod in te stel nie.
Die sektor het Dinsdag aan EWN gesê terwyl hulle na die piektyd vir verkope beweeg, word hulle gekonfronteer met die moontlikheid van ’n vierde golf van Covid-19, wat ongetwyfeld hul sakebedrywighede sal ontwrig.
Lucky Ntimane van die National Liquor Traders Council (NLTC) het gesê: “Ons doen ’n beroep op die regering om versigtig te wees om op die vierde golf te reageer. Ag moet geslaan word op die wetenskap en alle beskikbare regverdigbare middele om te verseker dat ons deur die vierde golf gaan sonder om die lewensbestaan van mense op te offer, wat dikwels die geval was met die hantering van die vorige drie golwe van die virus.”
Hy het gesê hulle het nog altyd volgehou dat lewens nie gered kan word ten koste van lewensbestaan nie. “Ons moet die regering maan dat daar nie ‘n entstof teen armoede is nie.”
“Daar is werklike vrees onder drankhandelaars dat ‘n verbod op alkohol dreig. Maar ons bly oortuig daarvan dat ons ekonomie nie nog ’n beperking, wat nog te sê verdere, beperkings op alkoholverkope kan bekostig nie.”
Volg FiND iT op Facebook hier en lees meer oor die drankverbod hier.
