Kristen Evans, eks-meisie van Zac Stacy, sê sy is teleurgesteld dat hy op borgtog vrygelaat is nadat ‘n video oor die aanranding van haar, op sosiale media versprei is.
Daar is gesien hoe Stacy Evans op ‘n huiskamera aanrand. Lees die vorige artikel hier.
Evans sê dit was vir haar baie moeilik om die video oor die aanranding vry te stel en dit is moeilik om die trauma te herleef elke keer as sy haar storie moet vertel. Sy het almal bedank vir hul ondersteuning. “Ons probeer ‘n noodmosie indien sodat ek gehoor kan word en dat hy nie op borg van $10 000 vrygelaat word nie. Dit is vir my net belaglik. Dankie ouens, dankie almal.”
Sy het op haar Instagram-blad gesê sy voel nie meer veilig nie. Haar volgelinge was ook ontsteld dat Stacy toegelaat word om op borgtog uit te kom ná die geweldadige aanval.
“My vriend en ouer klasmaat is deur haar mishandelaar vermoor en het haar kinders in haar eie bloed laat rondhardloop. Ek sal dit nooit uit my kop kry nie. Asseblief, ek smeek jou kom so ver van hom af weg as wat jy kan. Praat met prokureurs, huishoudelike sentrums, media kry dit op die nuus. Daar is maniere vir alles! Moet hom nooit weer naby jou of jou baba toelaat nie,” het een vrou geskryf.
“Ek is so geslaan deur my eksman. Ek verstaan en ek verstaan ook om nie geregtigheid te kry nie,” het ‘n ander een geskryf.
Stacy is Saterdag vrygelaat nadat sy borgtog (sowat R159 000) betaal het. Hy moes sy paspoort inhandig, alle vuurwapens oorhandig en is nie toegelaat om naby Evans te kom nie.
As hy skuldig bevind word op die aanklagte teen hom, kan hy tot 15 jaar tronkstraf opgelê word.
Volg FiND iT op Facebook hier en lees meer artikels hier.
