KIMBERLEY. – Sekere paaie rondom die Newton-reservoir gaan gedurende die watertoevoeronderbrekingsperiode, vanaf 19 November tot 21 November, gesluit wees.
Volgens Kimberley City Info gaan ’n gedeelte van Waterwerkestraat vanaf Virgin Active tot die T-aansluiting by Reservoirweg gesluit wees. Reservoirweg tussen Waterwerkestraat en Buchananstraat sal ook gesluit wees.
Hier is die pad, wat gesluit sal wees, in rooi gemerk. Gebruik asseblief alternatiewe roetes.
