Die Mangaung Metropolitan-munisipaliteit in Bloemfontein het onlangs ‘n nuwe veldtog, Reclaiming the City, in Bloemfontein geloods.
Dié veldtog het op 12 Oktober begin.
Die veldtog behels die skoonmaak en herstelwerk van verskillende wyke in Bloemfontein.
Mangaung Metro- uitvoerende burgemeester, raadslid Mxolisi Siyonzana, het op 12 Oktober die veldtog gelei in wyk 45 om onwettige vullishope in die wyk te verwyder.
Siyonzana het ook saam met ander munisipale werkers op 12 Oktober vullis opgetel en het ‘n dringende versoek aan die gemeenskap gerig om minder vullis te strooi.
Uitvoerende stadsbestuurder, Sello More en raadslid Vuyelwa Jonas-Malephane, was ook in wyk 16 in Heidedal saam met ‘n span werkers om stormwaterdreine oop te maak.
