Braam van Straaten, voormalige Springbok-losskakel, is aangestel as die IXIAS (Sentrale Universiteit van Tegnologie) se hoofafrigter. Met Pieter Bergh se vertrek was dit wat Van Straaten die geleentheid gebied het om daar af te rig en hy het dit met albei hande aangegryp.
Sy pos tree op 1 Oktober 2021 in werking en hy het reeds kans gehad om van die spelers en administrateurs te ontmoet op ’n geselligheid in Bloemfontein, vertel Van Straaten.
CUT is bekend vir sy goeie ondersteuningsbasis en die administrateurs wat enorme werk agter die skerms verrig. Helgard Muller is aan die stuur van sport en die afgelope twee jaar was ’n sprekende voorbeeld van hoe almal kan saamwerk, voeg Van Straaten by.
Van Straaten is geen groentjie wanneer senior rugby ter sprake is nie. Buiten IRB-vlak 3 as vereiste was hy van 2009 tot 2014 die Wallabies (internasionale span van Australië) se skopafrigter. In 2012 tot 2014 was Van Straaten die skopafrigter van die Western Force. Dié span het van die 14de tot die top 8 plek gevorder. By die Sharks was Van Straaten ’n huishoudelike naam voordat die Kings hom opgeraap het.
Alhoewel die voormalige Springbok baie uitsien na die uitdaging, is hy wel bewus van die geweldige teenstand wat hulle van ander spanne sal kry. “Ons is nie meer gereken as ’n deelnemer nie, maar as ’n bedreiging. Ek en my bestuurspan is baie bewus hiervan,” skerts Van Straaten.
Voorbereiding begin in alle erns op 4 Oktober en die spelers sal dan begin met evaluasie-, krag- en- vaarttoetse.
Van Straaten is tevrede met die groep tot sy beskikking, alhoewel deeglike voorbereiding die enigste maatstaf sal wees waarteenoor hy sy spelers sal meet.
Die Varsity Beker vind normaalweg in Februarie tot Mei plaas. Bepalings vir 2022 is nog nie bekend nie.
