Oom Bushy Oliver (88), bekend onder Kimberliete as die grootste Griekwa-ondersteuner, ondergaan vanmiddag 13:00 ‘n operasie ná hy Woensdag sy heup gebreek het.
Billy, oom Bushy se seun, sê hy het vermoedelik skeef getrap toe hy Woensdagmiddag in Longstraat geval het.
Hy is in die Gariep-hospitaal opgeneem.
“Die dokters is gelukkig tevrede en sê hy is baie sterk,” sê Billy. “Sy bloeddruk en sy hart lyk goed.”
Die operasie wat oom Bushy vanmiddag sal ondergaan, sal twee tot drie ure duur. FiND iT hou jou op hoogte.
