Die Internasionale Dag van Vriendskap is in 2011 deur die Verenigde Nasies (VN) se Algemene Vergadering geproklameer. Die idee is dat vriendskap tussen mense, lande, kulture en individue vrede kan inspireer en brûe tussen gemeenskappe kan bou.
Volgens The Good Things Guys toon die studies wat oor die effek van vriendskap gedoen is, dat dit mense se lewens verryk, ondersteuning bied in moeilike tye, aanmoediging vir drome is en dit geluk en vreugde bring.
Ter viering van die Internasionale Dag van Vriendskap moedig die VN regerings, internasionale organisasies en burgerlike samelewingsgroepe aan om geleenthede, aktiwiteite en inisiatiewe te hou wat bydra tot die pogings van die internasionale gemeenskap om ‘n dialoog tussen beskawings, solidariteit, wedersydse begrip en versoening te bevorder.
Vertel jou vriende hoe baie hulle vir jou beteken op hierdie Internasionale Dag van Vriendskap
Ons het vriende in alle aspekte van die lewevriende uit die kinderjare, familievriende en vriende in ons sosiale kringe tot vriende by die werk, die gimnasium, ons kinders se skole en selfs vriende in ons gunsteling- plaaslike restaurante en kroeë. Elke verhouding speel ‘n belangrike rol in ons geluk en welsyn.
Ons moedig almal aan om hierdie Vrydag vriendskappe te vier. Vier die mense in jou lewe deur woorde van vriendelikheid, ondersteuning en liefde te deel.
Lees ook: Kanye-aanhanger verkoop sakkie vol lug van sy Donda-byeenkoms vir R50k
