Wees só gereed vir wanneer die krag afgaan

Beurtkrag is weer met ons en alhoewel dit almal frustreer, is dit goed om voorbereid te wees wanneer dit wel geïmplementeer word.

Hier is ’n paar wenke hoe om gereed te wees wanneer die ligte afgaan.

Plaas die voorafgeskeduleerde beurtkragprogram op ’n sigbare plek sodat jy vroegtydig voorbereid kan wees;
Hou altyd kerse en aanstekers binne bereik vir wanneer die krag skielik afgaan. Jy kan ook flitsligte met ekstra batterye byderhand hou;
Maak seker alle toestelle soos selfone en skootrekenaars is vol gelaai;
Dit is ’n goeie idee om ’n batterypak aan te skaf vir indien jy nie jou toestelle betyds kon laai nie;
As jy ’n elektriese hek of motorhuis het, maak seker jy het genoeg batterye wat jy kan inspan sodra ’n krisis opduik;
Vir al die liefhebbers van koffie en tee, kook vooraf water en gooi dit in ’n warmfles vir wanneer jy lus is vir ’n warm koppie koffie of tee;
Vries leë koeldrankbottels vol water om in jou yskas of vrieskas te plaas sodat kos nie afgaan of sleg word nie;
Dit is ook ’n goeie idee om ’n gaslampie of twee te hê;
Bedien kosse soos ham-, kaas- en tamatiebroodjies wat nie elektrisiteit benodig om voor te berei nie.