Man deel sy geboortefoto’s om transgeboortes te ‘normaliseer’

ENGELAND. – Yuval Topper-Erez is vasbeslote om swangerskap in transmans te “normaliseer”. Hy het onlangs foto’s van sy derde kind, Tig, se geboorte op die internet gedeel.

Tara Leach, ‘n fotograaf in Engeland, het die oomblikke vasgevang.

“Dit was ‘n moeilike swangerskap, fisies en geestelik,” sê Topper-Erez. “Ek het eers gedink die foto’s sal net ‘n mooi herinnering vir my en my kind wees, maar toe ek dit sien, het ek net geweet ek moet dit deel. Juis omdat dit twee sake wat baie na aan my hart lê, verteenwoordig. Om tuisgeboorte te normaliseer en om trans– en nonbinary-geboortes te normaliseer.”

Alhoewel Topper-Erez Tig al op 8 Mei 2019 in die wêreld verwelkom het, sê hy dit het hom tot nou geneem tot hy gereed was om die foto’s met die res van die wêreld te deel.

“Ek voel dis my plig om te praat oor hierdie goed, aangesien transmense se regte deesdae so bedreig word.”