SUID-CAROLINA. – Christopher Emanuel se voormalige lewensmaat het hul pasgebore baba sonder sy toestemming laat aanneem.
Emanuel het die aanneming teëgestaan en byna ’n jaar vir die toesig oor sy eie dogter geveg.
Emanuel het uiteindelik sy kind teruggewen en ’n stigting begin om ander pa’s in te lig oor hulle vaderskapsregte.
LEES OOK: Wêreld se eerste geslagstransformasie-chirurgie op identiese tweeling
Na sy kind se geboorte het hy by Suid-Carolina se aanlyn verantwoordelike vaderskapsregister ingeskryf om aan te kondig dat hy wettiglik die vader van sy dogter, Skyler, is.
Slegs twee weke later is Skyler deur ’n San Diego-gesin aangeneem. Emanuel se naam het nie eens op die geboortesertifikaat as haar biologiese vader verskyn nie.
Owerhede het hom blykbaar nie in kennis gestel van die aannemingsproses van sy eie kind nie.
Die woedende pa het besluit om terug te veg en met sy dogter te herenig
Dit het Emanuel byna ’n jaar geneem nadat hy die aanneming teëgestaan het om toesig oor sy kind terug te kry.
Gelukkig het ’n regter uiteindelik sy standpunt ondersteun nadat hy hofregisters aangebied het wat wys dat sy vaderlike regte sonder sy toestemming beëindig is en dat hy bereid was om Skyler aan te neem.
Emanuel is alleentoesig oor sy dogter toegestaan.
