10-Minute avokado-chimichurrisous – resep

Hierdie sous is perfek oor jou steak, chips, slaai of sommer enigiets. Jy sal jou vingers aflek.

Bestanddele:

• ¼ koppie koljanderblare
• 2 eetlepels pietersielieblare
• 1 eetlepel vars oreganum
• 1 groot avokado
• 4 knoffelhuisies, fyngedruk
• ½ teelepel sout
• ½ teelepel gemaalde swartpeper
• ¼ koppie rooiwynasyn
• ¼ koppie olyfolie
• water soos benodig

LEES OOK: Tuisgemaakte Peppermint Crisp-roomys – resep

Metode:

• Plaas die koljander, pietersielie, oreganum, avokado, knoffel, sout, gemaalde swartpeper en rooiwynasyn in ’n voedselverwerker.
• Wanneer dit goed gemeng is, gooi die olyfolie by terwyl die voedselverwerker aan die gang is.
• Jy kan nou water byvoeg om die sous dunner te maak. ’n Kwart koppie werk gewoonlik goed, maar jy kan byvoeg totdat jy tevrede is met die konsistensie.
• Bedien en geniet of of bêre dit in ’n lugdigte houer in die yskas.

Kry nog resepte hier.