Agt dood na gru-ongeluk

VRYSTAAT. – Sewe mans en ’n vrou is dood in ‘n ongeluk op die N3, ongeveer 10 kilometer van Warden in die rigting van Villiers. Al agt mense is op die toneel dood verklaar. 

“Daar word beweer die Volkswagen Jetta het beheer verloor, noordwaarts geruk en teen al vyf voertuie gebots. Al die insittendes van die Polo Vivo en vier ander mense van die Jetta is oorlede. Die saak word steeds onder relevante wetstoepassingsagentskappe ondersoek,” het Hillary Mophete, woordvoerder van die departement van paaie en vervoer, aan SABC-nuus gesê. 

Mophete sê drie ander mense is ernstig beseer en na ’n hospitaal geneem. Nog ’n persoon het ligte beserings opgedoen. Volgens Mophete was ses voertuie in die ongeluk betrokke.

Leave a Reply

Your email address will not be published. Required fields are marked *