Staatsprokureurs het die week op ’n brief van die Fair Trade Tobacco Association (FITA) gereageer en gesê die staat kan nie belowe daar kom nie weer ’n tydelike verbod op die koop en verkoop van sigarette nie. As daar weer na ’n strenger vlak van inperking geskuif word, bestaan die moontlikheid.
Dié brief het voorwaardes gestel wat FITA uiteengesit het voordat hy die hofsaak wat hy teen die staat gemaak het, terug sal trek.
Dit volg na die partye wat hofsake teen die regering gebring het, gevra is om dit terug te trek.
Een van die tabakorganisasie se voorwaardes is dat daar nie weer ’n verbod op die koop en verkoop van sigarette ingestel word nie. Daarom die prokureurs se brief wat stel dat dit nie moontlik is om ’n onderneming daaroor te gee nie.
