Pilates kan uit aërobiese en nie-aërobiese oefeninge bestaan. Dit verg konsentrasie en elke oefening het ’n voorgeskrewe plasing, ritme en asemhalingspatroon.
In pilates word jou spiere nooit tot uitputting ingespan nie, dus is daar nie sweet of spanning nie. Die oefensessies bestaan uit ’n verskeidenheid oefeninge wat in lae herhalings, gewoonlik vyf tot tien keer, uitgevoer word gedurende ’n sessie van 45 tot 90 minute. Matwerk en gespesialiseerde toerusting vir weerstand word gebruik.
Die pilates-metode word aangepas sodat dit deur enige persoon uitgevoer kan word. Die oefeninge word gereeld geherevalueer om te verseker dat dit geskik is vir almal. As gevolg van die individuele aandag, pas hierdie metode almal, van professionele atlete tot mense met beperkte mobiliteit, swanger vroue en mense met ’n lae fiksheidsvlak.
Die gesondheidsvoordele van pilates sluit in:
- Verbeterde fisiese koördinasie en balans
- Ontspanning van jou skouers, nek en rug
- Verhoogde longkapasiteit en sirkulasie
- Verbeterde konsentrasie
- Stresbestuur en ontspanning.
