Corra Dirksen (82), oud-Springbok-rugbyspeler, is vanoggend in Krugersdorp aan Covid-19 oorlede. Dirksen het nog voltyds as ‘n dokter gepraktiseer en het moontlik die virus in sy praktyk opgedoen.
Volgens Suparugby het Dirksen tussen 1963 en 1967 in tien toetse gespeel en drie toetsdrieë teen die Franse in 1967 gedruk. Hulle het hom Le Monster gedoop, berig Suparugby.
Dirksen het ook tussen 1963 en 1968 in 35 wedstryde vir die Ligbloues gespeel.
