Daar is gister nog ses Covid-19-gevalle in die Noord-Kaap aangekondig.
Lebogang Majaha, woordvoerder vir die departement van gesondheid in die Noord-Kaap, het gister bekendgemaak daar is nou 138 gevalle van die virus in dié provinsie. Een van hierdie gevalle is egter verkeerdelik aan die Noord-Kaap toegedig en sal binnekort na die korrekte provinsie geskuif word.
Die nuwe vyf gevalle sluit vier persone – ‘n 37-jarige man, ‘n 38-jarige vrou, ‘n 44-jarige man en ‘n 56-jarige man – wat in die Sol Plaatje-munisipaliteitsdistrik woon, in.
Die vyfde persoon is ‘n 33-jarige vrou wat in die Umsobomvu-munisipaliteitsdistrik woon.
Gevalle volgens distrik
Frances Baard: 54
Pixley ka Seme: 54
ZF Mqcawu: 19
John Taolo Gaetsewe: 6
Namakwa: 4
