Terwyl Suid-Afrika se toerismebedryf ‘n knou kry weens die landwye inperking, sal die stroperybedryf waarskynlik op die ou end wen. Drie van die land se wildreservate, saam met die owerhede, onthoring tientalle renosters in die poging om die stropery van hierdie diere te voorkom. Volgens ‘n verslag van Reuters word dit gedoen om te keer dat gewapende stropers voordeel trek uit die na-Covid-19-ineenstorting in toerisme om die diere vir hul horings dood te maak. Hierdie oefening is vir die Pilanesberg- nasionale park, die Mafikeng- en Botsalano-wildreservate geskeduleer.
Afwesigheid van toeriste
Volgens Nico Jacobs, stigterslid van die nie-winsgewende Rhino 911, vrees kenners dat die afwesigheid van toeriste reeds ‘n styging in stropery kon veroorsaak het. Die proses om die diere te onthoring, is die afgelope drie jaar aan die gang, maar die dringendheid van die proses is as gevolg van die landswye inperking verhoog. Onthoringde renosters is minder aantreklik vir stropers, het Jacobs gesê. ‘’Ek het baie geslagte renosters gesien, maar wat is die oplossing? Vir die stropers om horinglose renosters en olifante te vind.”
1 kg renosterhoring kos ongeveer R1 miljoen
Die bestaan van die renosterspesie word op die vasteland van Afrika bedreig. Die bedreiging kom nie net van stropers nie, maar ook van mense wat hulle voortbestaan in gedrang bring. Renosters bestaan al vir eeue, maar word tans deur die mensdom uitgewis. Renosterhoring verkoop vir meer as kokaïne of goud vir US$60 000 per kilogram. In Oos-Asië word dit in medisinale drankies gebruik, hoewel dit dieselfde sleutelkomponent as menslike vingernaels bevat.
Voortbestaan verseker
Alhoewel dit nie heeltemal goed is vir renosters om onthoring te word nie, sal dit hul voortbestaan op die langtermyn verseker. Sonder sy horing is ’n manlike renoster kwesbaar in gevegte, alhoewel die horing weer sal groei. Die Internasionale Renoster Organisasie skat dat daar vandag nog net 27 000 renosters in die wêreld oor is, ‘n getal wat sal bly daal as gevolg van stropery. Die aantal renosters in Suid-Afrika se parke en hoeveel daar gestroop is, word tans geheim gehou om hulle te beskerm.
