VSA – Die Centre for Disease Control (CDC) in Amerika het ses simptome van Covid-19 aangewys.
Volgens Popular Science het die CDC amptelik die volgende simptome bygevoeg:
- Bewerasies
- Kouekoors met bewerasies
- Spierpyn
- Hoofpyn
- Seerkeel
- Verlies van smaak- of reuksentuie
Dit is nadat dié simptome by ’n aantal pasiënte in Amerika aangeteken is. Volgens Popular Science is die aanwysers noodsaaklik om die werklike getal van Covid-19-infeksies in die land te bepaal, omdat toetse vir Sars-CoV-2 slegs gedoen word wanneer persone van die gelyste simptome wys.
