Jy kan een van hulle in elke kruidenierswinkel, kantoor, speelterrein en aflaaibaan by die plaaslike laerskool vind. Die vroue wat hul kinders se trane afvee, wat dag na dag onbaatsugtig met min of geen waardering nie, dien, wat werk en ouerskap en slapelose nagte en eindelose skuld balanseer, wat hul mans vurig lief het, wat voortdurend na almal se behoeftes, behalwe hulle eie, omsien. Dit is die vroue wat die wêreld stil-stil bestuur.
Aan dié mans wat vir die vroue lief is, hier is hoe jy haar kan help om die las van die lewe ligter te maak.
Wees bewus van haar verantwoordelikhede
Of sy tuis bly of gaan werk, weet jy wat sy die hele dag doen? As jy nie weet nie, vra haar. Haar taaklys is waarskynlik oorvol met take wat haar tyd en energie ver oortref. Wees bedag op haar behoeftes en waardeer haar opofferings.
Raak betrokke voordat sy uitbrand
Die beste tyd om jou vrou te help, is nou. Moenie wag totdat sy breekpunt bereik het om ’n helpende hand aan te bied nie.
Wees ’n aktiewe deelnemer
Dit neem twee mense om ouers te wees. Dit neem twee mense om ’n huwelik te maak werk. Dit neem twee mense om ’n huishouding te bedryf. Wees ten volle betrokke by elke aspek van jou gesinslewe. Werk is moeilik, maar jou indiensnemingstatus gee jou nie toestemming om nie te help met take, dissiplinering en beplanning nie.
Hou op om haar probleme te probeer oplos
Luister net. Dit is al wat jy moet doen. As sy wil hê jy moet oplossings vir haar probleme aanbied, sal sy daarvoor vra.
Hou haar vas
Soek iets om jou kinders mee besig te hou, en neem dan jou vrou in jou arms en vertel haar hoe lief jy vir haar is. Hou haar vas en laat sy op jou skouer huil. Troos haar op die beste manier wat jy kan.
Laat haar praat vir so lank as wat sy nodig het
Soms is die beste manier vir ’n vrou om weer tot verhaal te kom, deur al haar gedagtes uit te praat. Laat jou vrou deur haar gevoelens en probleme praat. Toon empatie. Luister aandagtig. Vra vrae. Wees volledig betrokke by die gesprek.
Wees ’n vennoot
Die huwelik is ’n belofte om die lewe saam te deel. Om mekaar se laste te dra. Om saam met mekaar te huil. Om mekaar te ondersteun deur moeilike tye. Die huwelik beteken om mekaar se vertroueling, geliefde en vriend te wees. Julle is nie net twee mense wat saamwoon nie. Julle is ’n pragtige vereniging van twee mense wat ’n verbond het om mekaar vir altyd lief te hê.
Bied haar hoop
Moedig haar aan. Laat haar weet waarvan jy van haar hou. Help haar om die goeie in enige situasie te sien. Vermy om krities of negatief te wees. As sy op ’n laagtepunt is, moet jy die man wees wat haar oplig en hoop in haar lewe bring.
Wees nuttig
Leer die kuns om in die huis rond te kyk en dinge te vind wat gedoen moet word. Is daar skottelgoed in die wasbak? Moet die hond vir ’n draai gevat word? Wat is gebreek wat reggemaak moet word? Moenie wag om gevra te word nie. Doen dit net!
Gee haar ’n dag vir haarself
Niks voel beter as om ’n manikuur, pedikuur, haarsny, massering en ’n nuwe uitrusting te kry nie. Laat haar slaap en ’n warm bad neem. Ondersteun haar en neem haar daaglikse take oor, sodat sy tyd kan hê om vir haarself te sorg.
Bid vir haar
Net voor jy gaan slaap, gaan kniel langs julle bed saam, hand aan hand en bid. Sê vir God hoe lief jy jou vrou het. Laat hom weet wat jy van haar waardeer. Vra om Sy hulp. Vra hom om jou te vertel hoe jy ’n beter eggenoot vir haar kan wees. Vra hom om haar te troos en haar te help om haarself te sien soos Hy haar sien.
Vra haar wat jy kan doen om te help
Jou vrou weet wat jy kan doen om haar te help om beter te voel, so vra haar net. Sy sal dit meer waardeer as wat jy ooit sal weet. Want weet jy wat? Sy is ook lief vir jou, en sy is elke dag dankbaar vir wat jy vir haar doen.
