As jou kind ’n GPS-horlosie dra, voel dit vir jou soos die beste ding om te doen, maar hierdie horlosies is nie noodwendig veilig nie. Mike Bolhuis gesels oor GPS-horlosies, jou kind en kuberkrakers.
Waarom ouers hulle kinders GPS-horlosies laat dra
- Ouers dink dit beskerm hul kinders.
- Die horlosies stel ouers in staat om hul kind se ligging op te spoor en te alle tye sy of haar bewegings te monitor.
- Die toestelle kan ook enige boodskappe vertoon en oproepe ontvang.
- Ouers kan op ’n kind se aktiwiteite inluister met ’n mikrofoon.
Gevare van GPS-horlosies vir kinders
- Hierdie toestelle raak meer gesofistikeerd wat funksies betref, maar die sekuriteit hou nie tred met kuberkrakers nie en is dus vatbaar vir sekuriteitsoortredings.
- Sekuriteitsfoute in GPS-horlosies laat totale vreemdelinge toe om op jou kind se gesprekke en netwerkaktiwiteite in te luister.
- Dit stel vreemdelinge in staat om via die toestel met jou kind te praat, of die horlosies se kamera te gebruik om sy of haar foto te neem.
- Hulle kan jou kind se ligging enige tyd bepaal.
- Individue kan ook boodskappe aan kinders stuur, wat hulle mislei om ’n rygeleentheid van ’n vreemdeling te aanvaar, wat presies weet waar hulle is.
- Hulle kan toegang kry tot sensitiewe persoonlike data wat aan ander gebruikers behoort, insluitend liggingsdata, name en telefoonnommers.
