NOORD-KAAP – Twee verdagtes is gister 22 Januarie 2020 op Hartswater en Warrenton vir dwelmhandel in hegtenis geneem.
Brig. Charlotte Makgari, polisiewoordvoerder, sê : “’n Buitelandse man is op Hartswater vir dwelmhandel in hegtenis geneem en beslag is op 4 gram tik met ’n geraamde straatwaarde van R2 400, gelê.”
“Die span is daarna na Warrenton, waar hulle ’n lasbrief uitgereik het aan ’n 44-jarige man. Hy is vir dwelmhandel in hegtenis geneem nadat verskillende dagga pakkies by hom gevind is.”
Die verdagtes sal vandag onderskeidelik in die Hartswater- en Warrenton-landdroshowe verskyn.
