’n Dringende beroep word deur Sol Plaatje-munisipaliteit op die inwoners van die stad gedoen om hul daaglikse waterverbruik drasties te verminder. Die stad se verbruiksvlakke is tans buitengewoon hoog, selfs al word die herstelwerk aan die netwerk in ag geneem.
“Die buitengewone hoë temperature help ook nie. Om tred te hou met die aanvraag, word hiermee kennis gegee dat die Sol Plaatje-munisipaliteit vanaf Saterdagmiddag, 30 November 2019 om 13:00 tot die volgende dag, Sondag, 1 Desember 2019 om 13:00, die water sal onderbreek om die vlakke by die Newton Reservoir te verhoog. Hierdie maatreël word getref om die huidige vlakke op Newton te verhoog om volhoubare vlakke vir die hoogste aanvraag te verseker. Ons beveel aan dat u voldoende water voorberei tydens die onderbreking,” sê Sello Matsie.
Die munisipaliteit waarskiinwoners dat geen waterbeperkings nog ingestel is nie,
maar as die huidige neiging tot watergebruik voortduur, sal waterbeperkings
ingestel word.
“By Riverton is ons bly om aan te kondig dat ons met die produksie van ons ou watersuiweringsaanleg begin het, wat ekstra tien mega-liter per dag bied, terwyl konstruksie beskikbaar is met betrekking tot die installering van die twee nuwe transformators is ook begin.”
As deel van die ingebruiknemingsproses, monitor die munisipaliteit die pomp van Riverton en die pyplyne na die stad as ’n prioriteitsaak. “Ons doen ’n beroep op ons verbruikers om spaarsamig water te gebruik en so spoedig moontlik enige gebarste pype aan te meld by 053 830 6111. Ons vra omverskoning vir die ongerief.”
