KIMBERLEY – Dr. Zamani Saul, Noord-Kaapse premier, het onverstoord voortgegaan met sy verantwoordelikhede as premier na vanoggend se ongeluk in die stad.
Bronwyn Thomas-Abrahams, woordvoerder by die premierskantoor, het bevestig die premier was omstreeks 10:30 vanoggend in ’n motorongeluk by die robot by Silson- en Schmidtsdriftstraat in Riviera betrokke.
Niemand is ernstig beseer nie. Twee pasiënte is na ’n plaaslike hospitaal geneem.
Thomas-Abrahams sê Saul het personeel gestuur om seker te maak na die pasiënte word omgesien en hulle kry die nodige mediese behandeling.
Saul wens hulle ’n vinnige herstel toe.
