Lindy Tait, ’n professionele perde-afrigter, ry-instrukteur, beoordelaar, deelnemer, spanbestuurder en rolmodel vir baie is vanoggend oorlede nadat ’n ongeluk na bewering veroorsaak het dat sy val. Lindy het glo ’n breinbesering opgedoen as gevolg van die val op 2 November en is vanmôre vroeg oorlede.
Daar was oor die naweek deur verskeie mense op Facebook gevra vir gebede vir Lindy.
Jaco Fourie, ’n bekende perderuiter, het in ’n Facebook-plasing gesê Lindy het elke dag gedoen wat sy liefgehad het. Sy was besig om dresseer-perde te oefen, met ’n behoorlike ryhelm, toe ’n ongeluk daartoe gelei het dat sy geval het. “Sy het uitgebreide breinbeserings opgedoen voordat sy gesterf het. Nie net was sy ’n perdgeesdriftige nie, maar ook ’n toegewyde en uitstekende enkelma vir Antonie (Tiaan) Roets – ’n ware heer en alles omvattende goeie ou wat tans sy matriekeksamen aflê. Haar plek aan die kant van die kompetisie-arena sal deur baie gemis word, haar plek in die herinneringe aan al die vele kinders (ook my eie) wat sy deur perde vermaak het, sal nie leeg wees nie. My hart gaan uit na haar familie en vriende, en almal wat haar geken het. Mag jy troos en vrede vind in die feit dat hoewel haar uurglas leeg is, haar lewe vol vreugde, liefde en passie was.”
Edwin Clarke, pastoor van Life Church en vriend van Lindy, sê die boodskappe op Facebook som die mooi persoon wat sy was perfek op. “Die familie het egter ’n tyd nodig voordat daar met die begrafnisreëlings begin sal word,” sê Clark.
Foto: Facebook
