Wêreldberoertedag word op 29 Oktober gehou om die ernstige aard en die hoë voorkoms van beroerte te onderstreep, om bewustheid oor die voorkoming en behandeling van die toestand te verskerp en om beter sorg en ondersteuning vir oorlewendes te verseker.
Tekens van ’n beroerte
- Skielike gevoelloosheid of swakheid in die gesig, arm of been, veral aan die een kant van die liggaam.
- Skielike verwarring, probleme met praat of verstaan van spraak.
- Skielik probleme om te sien in een of albei oë.
- Skielike probleme om te loop, duiseligheid, balansverlies of koördinasie.
- Skielik erge hoofpyn met geen bekende oorsaak nie.
Wat om te doen
- Bel ’n ambulans.
- Stel die ambulans vooraf in kennis jy vermoed dit is ’n beroerte.
- Hou die simptome dop.
- Praat met die persoon.
- Moedig die persoon aan om te gaan lê.
- Doen KPR, indien nodig.
- Bly kalm.
- Moenie vir die persoon medikasie gee nie.
- Moenie vir die persoon iets gee om te eet of te drink nie.
