6 kg dagga in taxi gevind

CALVINIA. – ’n Agt-en-twintigjarige is hier in hegtenis geneem ná 6 kg dagga in sy besit gevind is.

SAPD-lede van hierdie polisiekantoor het gisteroggend om 10:30 vier taxi’s deursoek.

Kol. Mashay Gamieldien, polisiewoordvoerder, sê sers. Sheldon Opperman van Calvinia se honde-eenheid het een van die taxi’s deursoek en ’n swart tas gevind. “Daar is 6 kg dagga met ’n geskatte straatwaarde van R9 000 in die tas gevind.”

Sy sê die man wat in hegtenis geneem is, sal binnekort in die Calvinia-landdroshof op aanklag van dwelmhandel verskyn.

Leave a Reply

Your email address will not be published. Required fields are marked *

%d bloggers like this: