MODDERRIVIER. – ’n Jack Russel-reun is hier gesteel.
Sumari Hamman, Rex se eienaar, sê hy moes gisteraand gesteel geword het. “Daar is baie voetspore by my hek en sy bandjie het ek buite my hek opgetel.”
Rex is nou agt maande oud. “My hart is baie seer en ek soek net my seuntjie terug,” het sy emosioneel gesê. “Ek is tans besig om rond te ry op soek na hom.”
Indien enigiemand vir Rex sien, kontak asseblief vir Sumari by 076 471 9355.
