JAN KEMPDORP – Ismael Ruiters (53), ’n man van Jan Kempdorp, word sedert 6 Julie vermis.
Kapt. Sergio Kock sê Ruiters is laas voor Ruk en Pluk op Jan Kempdorp gesien. Hy het ’n groen sweetpak, geel T-hemp en ’n grys trui met swart tekkies aangehad. Hy is sowat 1.5m lank, medium gebou en donker van gelaatskleur. Hy het bruin oë, is bles en het ’n litteken agter sy kop.
Ruiters ly aan epilepsie en sukkel met spraak. Enige persoon met inligting wat kan help om Ruiters op te spoor, kan adj.-konst. GP Horing by 082 511 8467 skakel.
Die ondersoek duur voort.
