February 28, 2021

o/15-Pluimbalspan behaal silwer in finaal

Barco Scheffer (14), ’n gr.8-leerder aan die Hoërskool Diamantveld, is deel van Suid-Afrika se o/15-pluimbalspan, wat tweede geëindig het in die All Africa-toernooi wat in Abidjan in die Ivoorkus gehou is.

Hy is een van sewe spelers in die Suid-Afrikaanse span. Hulle het reeds die dubbelspel voltooi en het vandag begin met die enkels.

Die span het silwer behaal nadat hulle teen Mauritius in die finaal verloor het. Die toernooi het altesaam 12 spanne, van regoor Afrika, wat deelneem.

Ladene Scheffer, Barco se ma, sê hy speel al vir drie en ’n half jaar pluimbal. “Hy het by ’n klub aangesluit. Hy is gekies vir die provinsiale span en moes teen ander provinsiale spanne by die SA-toernooi speel.”

Sy sê tydens die provinsiale toernooi word kinders deur keurders gekies en hulle kry dan nasionale gradering. “Hierdie agt leerders is vanjaar by die Suid-Afrikaanse toernooi, wat in Durban plaasgevind het, gekies.”

GESPEEL TEEN TELLING WEN OF VERLOOR
Nigerië 0-5 Wen
Ivoorkus 1-4 Wen
Ghana 0-5 Wen
Namibië 0-5 Wen
Egipte 0-5 Wen
SEMI FINAAL    
Algerië 2-3 Wen
FINAAL    
Mauritius 3-1 Verloor

Spelers wat Suid-Afrika vanjaar verteenwoordig

Xianyaoli Wang – Benoni

Amy Leigh Ackerman – Benoni

Cullen Kakora – Bloemfontein

Barco Scheffer – Kimberley

Tamsyn Smith – Benoni

Taniel Hailey Stroud – Benoni

Ronan du Plessis– KwaZulu-Natal

Leave a Reply

Your email address will not be published. Required fields are marked *

%d bloggers like this: