Will Smith het Chris Rock om verskoning gevra nadat hy hom by die Oscars geklap het en gesê sy gedrag is “onaanvaarbaar en onverskoonbaar”.
“Ek wil jou in die openbaar om verskoning vra, Chris,” het hy in ’n verklaring gesê. “Ek was uit lyn en ek was verkeerd.”
Dit volg nadat die Oscars-rolprentakademie Smith oor die voorval veroordeel en ’n formele resensie aangekondig het.
Smith het vir Rock op die verhoog geklap nadat hy ‘n grap gemaak het oor Jada Pinkett Smith se geskeerde kop, wat die gevolg is van ‘n mediese toestand.
Kort daarna het Smith die eerste Oscar van sy loopbaan gewen omdat hy die pa van die tennislegendes Venus en Serena Williams in King Richard gespeel het.
“Geweld in al sy vorme is giftig en vernietigend,” sê Smith in die verklaring wat op Instagram geplaas is. “My gedrag by gisteraand se Oscar-toekennings was onaanvaarbaar en onverskoonbaar. Grappies op my koste is deel van die werk, maar ‘n grappie oor Jada se mediese toestand was vir my te veel om te dra en ek het emosioneel gereageer.”
Smith het Rock direk om verskoning gevra en gesê hy is “buite lyn”. Hy het ook die Akademie en die Williams-familie om verskoning gevra.
Voor Smith se verskoning het die organisasie agter die Oscars in ’n verklaring gesê dit “veroordeel die optrede” van Smith.
“Ons het amptelik begin met ‘n formele hersiening rondom die voorval en sal verdere optrede en gevolge ondersoek in ooreenstemming met ons Verordeninge, Gedragstandaarde en Kalifornië-wetgewing,” het dit gesê.
Bronne: BBC, MSN
Volg FiND iT hier.
