Dr. Pieter Groenewald, Vryheidsfront Plus-leier, het tydens ’n debat in parlement oor die gevolge van ʼn nasionale ramptoestand en die aanstelling van ʼn minister van elektrisiteit in reaksie op die energie-krisis, gesê dat die oorsprong van die ramptoestand rondom die energieskrisis sestien jaar gelede deur die ANC self geskep is.
“Niemand wat ʼn ramp self geskep het, kan vertrou word om dit op te los nie,” meen dr. Groenewald.
