Alec Baldwin het ’n regsgeding teen vier mense wat betrokke was by die Rust-film aanhangig gemaak. Hy het gesê hulle was nalatig om vir hom ’n geweer te gee wat afgevuur kon word.
Alec Baldwin het op 21 Oktober 2021 per ongeluk vir Halyna Hutchins, die kinematograaf op die filmstel van Rust, doodgeskiet.
Baldwin dagvaar die rolprent se wapens-en-rekwisiete-assistent, Hannah Gutierrez-Reed, assistent-direkteur David Halls, rekwisietemeester Sarah Zachry en Seth Kenney, wat gewere en ammunisie aan die filmstel verskaf het, volgens ‘n indiening Vrydag in ‘n Los Angeles-hof.
Baldwin se klag volg op ‘n saak wat verlede jaar deur die draaiboektoesighouer Mamie Mitchell teen hom en ander op die stel gemaak is oor hul beweerde rol in die skietery, wat aan haar groot emosionele trauma veroorsaak het.
In sy saak beskuldig Baldwin Gutierrez-Reed daarvan dat hy versuim het om toe te sien dat ‘n Colt-rewolwer wat hy tydens repetisie gebruik het, veilig is.
Die saak verklaar ook dat Halls versuim het om die wapen na te gaan voordat hy dit veilig verklaar het en dit aan Baldwin oorhandig het, en dat Zachry versuim het om te verseker dat wapens wat op die New Mexico-stel gebruik is, veilig is.
Almal wat in die saak genoem word, het enige skuld ontken.
Baldwin het verlede maand ‘n siviele skikking met Hutchins se familie bereik, waarvan besonderhede nie bekend gemaak is nie. ’n Regter het nog nie die skikking goedgekeur nie.
Bronne: The Citizen, Fox News
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
