Die man wat daarvan beskuldig word dat hy drie mense, insluitend ‘n polisieman, in Mei vanjaar in ‘n Kaapse hospitaal doodgeskiet het, sal teregstaan op nog drie aanklagte.
Jean-Paul Malgas, ‘n voormalige polisieman, staan tereg op drie aanklagte van moord, die onwettige besit van ‘n vuurwapen en roof.
Hy was ‘n pasiënt in die New Somerset-hospitaal toe die noodlottige skietery plaasgevind het. Twee pasiënte is ook doodgeskiet.
‘n Woordvoerder van die Nasionale Vervolgingsgesag, Eric Ntabazalila, sê die bykomende aanklagte hou verband met die poging tot moord op ‘n polisiebeampte op Hopefield en twee aanklagte van poging tot roof.
Malgas sal op 10 November in die Vredenburg-landdroshof verskyn, waar die nuwe aanklagte by die akte van beskuldiging gevoeg sal word.
Die saak sal dan na die hooggeregshof in Kaapstad oorgeplaas word.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
