Drie mense is kritiek en twee ernstig beseer in ‘n botsing reg van voor tussen twee ligte motorvoertuie op Elsburgweg in Germiston vroeër vanoggend.
ER24-paramedici was om 07:12 met vier noodvoertuie op die toneel.
Die vyf mense moes bygestaan word uit die twee voertuie wat nog in die pad was.
Twee vroue wat vermoedelik in hul middel-30’s en een man in sy middel-50’s is, is in die een voertuig gevind, nadat hulle kritieke beserings opgedoen het.
Twee mans in hul middel-30’s is in die ander voertuig gevind wat ernstige beserings opgedoen het.
Al vyf pasiënte is op die toneel behandel voordat hulle na Tambo Memorial Hospitaal vervoer is vir verdere sorg.
Die brandweer sowel as die EMPD was op die toneel vir verdere ondersoeke.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
