Die verkeersbeampte wat Woensdagoggend, terwyl sy aan diens was, geskiet is, was ‘n ma van drie kinders.
Sonica Esmeralda Smith (42) is op 1 Junie 2007 by Struandael as ‘n provinsiale verkeersinspekteur aangestel. Sy het 14 jaar diens gedoen.
Smith, saam met ‘n manlike en vroulike kollega, het diens op die R75, naby Kwadwesi, gedoen. Hulle was omstreeks 10:42 besig met voertuigondersoeke.
Terwyl die manlike beampte in die pad gestaan het, was die ander vroulike beampte besig om ‘n dagvaarding uit te skryf. Smith het op die bestuurdersitplek gesit en was besig met dokumentasie toe vier mans na die verkeersbeampte (man) wat in die pad gestaan het, gestap het.
Hulle het met ‘n vuurwapen na hom gewys en hom ontwapen.
Daar word verder beweer dat toe die verkeersbeampte wat in die voertuig gesit het, probeer reageer het nadat sy gesien het wat gebeur het, sy in haar bors geskiet is terwyl sy nog in die voertuig gesit het.
Haar vuurwapen is ook geneem. Die verdagtes het te voet weggehardloop. Die verkeersbeampte word oorleef deur drie kinders (tussen 21, 10 en 7 jaar oud).
Haar vriende en kollegas beskryf Smith as ‘n persoon wat altyd bereid was om haar medemens en kollegas by te staan. Sy was ‘n georganiseerde mens en ‘n goeie administrateur. Sy het ‘n borrelende persoonlikheid gehad en was deur sommige van haar kollegas as ‘n mentor beskou.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
